उदगीर शहरात सतत पुनर्वसन कार्यक्रम यशस्वीरित्या संपन्न. उदगीर
उदगीर ( श्रीधर सावळे )
अत्याधुनिक तंत्रज्ञानाचा उपयोग करून दिव्यांगांना आत्मनिर्भर करण्याचे कार्य विशेष शिक्षकांनी करावे असे प्रतिपादन महाराष्ट्र पशु व मत्स्य विज्ञान विद्यापीठाचे शिक्षण संचालक डॉ.अनिल भिकाने यांनी केले. भारतीय पुनर्वसन परिषद नवी दिल्ली मान्यताप्रात के. डि .जाधव मूकबधिर निवासी विद्यालय, पोपळी तालुका उमरखेड जिल्हा यवतमाळ द्वारा आयोजित, उदगीर येथील संत तुकाराम विधी महाविद्यालय येथे आयोजित राज्य स्तरीय तीन दिवसीय सी आर ई कार्यक्रमाच्या समारोप प्रसंगी बोलत होते. कार्यक्रमाच्या अध्यक्षस्थानी संत तुकाराम विधी महाविद्यालयाचे प्राचार्य राजकुमार नावंदर हे होते तर प्रमुख पाहुणे म्हणून पशु मत्स्य विज्ञान विद्यापीठाचे संचालक अधिकारी डॉ. अनिल भिकाने,पंचायत समिती उदगीरचे विस्तार अधिकारी एस एम थोटे साहेब, प्रा सुरेश मुदुडगे, प्रा. नाजिम पटेल, प्रा. जगन मुदगडे, उदगीर शहर पोलीस स्टेशनचे पी. एस.आय. श्री.अक्षय पाटील, विवेक जैन आदींची उपस्थिती होती यावेळी तीन दिवसीय कार्यक्रमात प्रा.जगन मुदगडे, मुंबई येथील प्रा.इशिता सपकाळ, प्रा.ज्योती खरात, जीवन विकास मतिमंद कर्मचाऱ्यांचे व्यवस्थापकीय अधीक्षक राजा पटेल अब्दुल मलिक, प्रा. श्री.सतीश कल्पे सर ,यांनी विविध विषयावर सखोल असे मार्गदर्शन केले तत्पूर्वी कार्यक्रमाची सुरुवात सर्व प्रमुख अतिथींचे शाल, श्रीफळ व पुष्पगुच्छ देऊन सत्कार करण्यात आला पुढे बोलताना डॉ.भिकाने म्हणाले की दिव्यांग क्षेत्रात काम करण्याचे जे पवित्र काम करता ते उल्लेखनीय आहे त्यामुळे तुम्ही दिव्यांगा बाबतीत समाजात जाऊन जनजागृती करण्यासाठी अधिक प्रयत्न करण्याची गरज आहे दिव्यांगा चार प्रकाराच्या व्यतिरिक्त नवीन 21 प्रकारचे दिव्यांगाचा समावेश झाला असून तुमची जबाबदारी आता वाढलेली आहे
त्यामुळे तुम्हाला सर्व दिव्यांगाच्या जबाबदाऱ्या पार पाडाव्या लागणार आहेत व तसेच श्री एस एम थोटे साहेब विशेष शिक्षकांचे कौतुक केले.कार्यक्रमाचे प्रास्ताविक व सूत्रसंचालन नागेंद्र साबणे यांनी केले तर आभार प्रा श्री सतीश कल्पे सर यांनी मानले यावेळी सर्व विशेष शिक्षक व पुनर्वसन व्यावसायिक तज्ञ यांना प्रमुख पाहुण्यांच्या हस्ते प्रमाणपत्र वाटप करण्यात आले.
Post a Comment
0 Comments